Македонска репрезентација до 19 години попладнево ја запиша и третата победа на турнирот во Молдавија и со 3 победи од трите натпревари обезбеди пласман во повисок ранг - Лига А.
Фудбалерките денеска играа против Велс, чија репрезентација во претходните две кола исто така оствари две победи.
Македонија поведе уште во 2. минута во преку Катерина Петкова, но Велшанките израмнија во 21. минута преку Оливиа Франсис. Македонките повторно дојдоа до предност кога Веса Села погоди пет минути по паузата, а резултатот остана непроменет до самиот крај.
Македонија почна со убедлива 4:0 победа над домаќинот Молдавија, а потоа со 2:0 ја совлада и Литванија. Примениот гол од Велшанките е всушност прв на овој квалификациски турнир од Лига Б. Оваа генерација ја предводи селекторот Астрид Мерко.
Благодарение на овој резултат женската У19 репрезентација во наредниот циклус квалификации за У19 ЕУРО 2025 ќе игра во квалификациската елита - Лигата А. Европското првенство во 2025 година ќе се одржи во Полска, за место има само за 7 квалификанти.