Натпреварот од Премиер лигата меѓу Кристал Палас и Тотенхем почна со впечатлив детаљ кој стана хит на социјалните мрежи.
Не, не станува збор за некаква фудбалска мајсторија, ниту пак скандал.
Главни актери во „претставата“ беа Сон Хјон-мин од Тотенхем и Кристијан Бентеке од Кристал Палас, кои по судискиот свиреж се вдадоа во трчање како да е започнат натпреварот, заборавајќи на вообичаената постапка.
Имено, фудбалерите на Премиер лигата продолжија да ја поддржуваат борбата против расизмот и оваа сезона, а пред секој натпревар клекнуваат на едно колено, по што започнуваат натпреварите.
Сон и Бентеке заборавија на тоа и нивната несмасност насмеа многу луѓе и разбирливо - многу брзо стана хит на социјалните мрежи.
Инаку, лондонското дерби заврши без победник 1:1.
