На почетокот на 2024 година започнува доградбата на основното училиште „Блаже Конески“ во населбата Мичурин и изградбата на нова детска градинка „Изворче“ во населбата Стар Аеродром.
Информацијата на својата Facebook страница ја објави градоначалникот Тимчо Муцунски кој потенцираше дека станува збор за два капитални проекти кои се реализација на важно ветување пред граѓаните и континуитет во заложба за унапредување на условите за образование и социјална грижа.
Муцунски информираше дека Собранието на Република Македонија на вчерашната седница утврдило пренамена на средства од буџетот за 2023 година, за реализација на овие два проекта.
„Благодарам за поддршката во нашата намера за унапредување на животот и можноста заеднички да изградиме поубава Општина Аеродром“, напиша градоначалникот Муцунски и вети изградба на уште една детска градинки и доградба на уште едно училиште.
„До крајот на следната година, покрај овие два објекта, ветуваме изградба на уште една градинка во населбата Лисиче и доградба на основното училиште 'Гоце Делчев' во Горно Лисиче“, заклучи Муцунски во објавата.
