Тренерот на Тотенхем се вади на тенката клупа за синоќешното реми со Манчестер Јунајтед.
По синоќешниот натпревар помеѓу неговиот Тотенхем и гостите од Манчестер, Жозе Мурињо неуспехот да победи го побара во клупата, која навистина е тенка.
„За нешто сум задоолен, на друго не. Ми се допадна однесувањето на тимот, организацијата, контролата, тоа што бевме на ниво и дека на Јунајтед му г прикажваме тоа што не им се допаѓа“, почна Португалецот за Sky Sports.
„Но, несреќен сум поради фактот што немав клупа за да реагирам на работите кои ги приметив на терен. Кога тие станаа подоминантни, ние се уморивме напред и не можевме да играме пресинг“.
Тотенхем имаше водство од 1:0 сѐ до 81. минута кога Мначестер Јунајтед израмни од белата точка.
„Играчите одработија одлична работа во дефанзивата. Тие имаа само два опасни удари кои Иго Љорис ги одбрани, ништо повеќе. Сѐ останато беше под контрола. За 70 минути, додека имавме енергија, бевме силни со топката и знаевме што сакаме. Морам да признаат дека за последните 15 минути многу ми фалеа Лукас Моура и Деле Али. Тие 15 минути беа тешки за нас“, тврди Мурињо.
„Лукас и Деле се играчи кои ни се потребни и тоа го почувствувавме сега. Кога ќе ја погледнете нивната клупа и потоа нашата ќе ја видите разликата во опциите во офанзивата. Се надевам ќе се вратат на време за Вест Хем бидејќи во овој момент е многу, многу важно да се менуваат играчите“, заврши тој.
Тотенхем во вторник вечер ги пречекува „Чеканите“ во натпревар од 31. коло.
