Наградата за најистакнат играч (МВП) на АБА лигата ќе го носи името на прерано починатиот Дејан Милојевиќ.
Како што објави порталот 24sedam.rs, ова признание во иднина ќе го носи името на Дејан Милојевиќ, а Претседателството на регионалната лига веднаш ја покренало иницијативата и треба само да ги помине сите процедури, за да може да се официјализира.
Мишко Ражнатовиќ, првиот човек на КК Мега, претходно најави дека салата во која неговиот тим ги игра натпреварите во иднина ќе се вика по Дејан Милојевиќ.
Српскиот тренер почина во САД на 47-годишна возраст од срцев удар.
