Македонскиот кошаркарски шампион МЗТ се пласира во полуфиналето на регионалната АБА2, откако вечерва во СЦ „Јане Сандански“ по голема борба ја совлада Сутјеска со 73:68.
„Сино-белите“ од Аеродром бодрени од своите навивачи го контролираа резултатот во сите 40 минути и на крајот заслужено победија.
Кристијан Николов со 17 поени и 6 асистенции беше прво име во победничкиот состав, додека веднаш зад него беа Војдан Стојановски со 15 поени и Хуан Дејвис со 11 поени.
Противник на МЗТ во задутрешното полуфинале (21 часот) ќе биде подобриот од вечерашниот последен четвртфинален дуел помеѓу Широки Бријег и Спарс.
Претходно во текот на денот учество во полуфиналето обезбедија Борац од Бања Лука и Златибор.
