Досега во Европа се регистрирани над 3 милиони заразени со коронавирус, пренесе AFP. Повеќе од половина случаи се регистрирани во Русија, Обединето Кралство, Шпанија и Италија.
Стариот континент регистрираше 3.002.861 заразен од вкупно над 15 милиони луѓе заразени во светот. Европа останува најтешко погодена по бројот на починати - 206.633 од вкупно 626.994 смртни случаи низ светот.
Во Русија се регистрирани најголем број заразени на континентот, вкупно 795.038 случаи и 12.892 починати.
Потоа следат Обединетото Кралство со 297.377 заразени и 45.501 починати, Шпанија со 267.551 и 28.426 починати и Италија со 245.032 и 35.082 починати, според статистиката.
Експертите веруваат дека бројот на регистрираните случаи на заразени е само мал дел од реалната бројка.
