Најбогатиот човек во светот е подготвен за летот во вселената со неговата ракета New Shepard.
Џеф Безос во 15:00 часот по средноевропско време ќе полета од пустината во западен Тексас во вселената, а летот ќе трае 11 минути.
Пред девет дена, неговиот конкурент Ричард Бренсон успешно го заврши првиот туристички лет до вселената преку својата компанија Virgin Galactic, но Безос ќе достигне височина од 100 километри, во споредба со 86-те километри на Бренсон.
Заедно со Безос ќе бидат брат му Марк, потоа авијатичарката Вали Фанк (82) и тинејџерот Оливер Демен (18).
Читајте наредно: Во вселената со Џеф Безос ќе патуваат тинејџер и 82-годишна жена
„Возбуден сум, но не сум нервозен. Ќе видиме како ќе се чувствувам кога ќе полетаме“, рече Безос за Fox.
Безос го основа Blue Origin во 2000 година, а Bloomberg го проценува неговото богатство на 206 милијарди долари.
