Објавена е листата на најмлади славни личности во Велика Британија. Пејачот Хари Стајлс се најде на врвот, а по него следи Дуа Липа, пренесе Yahoo Life.
Хари Стајлс е најбогатата славна личност помлада од 30 години, со што го симна од престолот Ед Ширан. Heat ја објави новата листа на „богаташи“ во 2022 година, откривајќи кои се најбогатите славни личност помлади од 30 години. Хари се збогати благодарение на музичката кариера и последниот албум што се покажа за доста успешен.
На тој албум има хит кој мина 6 недели на врвот на британската топ листа. Глумеше и во холивудски филмови, а се појави и во реклами. Неговото богатство е проценето на 116 милиони фунти.
На второто место се најде пејачката Дуа Липа со заработка од 69.1 милион фунти. До оваа заработка дојде со албумот и светската турнеја годинава со која заработи 35 милиони фунти во само два месеца.
На третото место е манекенката Кара Делевињ, со заработка од 63.8 милиони фунти, резултат од соработката со Rimmel, Burberry, Chanel и Puma. Нејзината компанија Cara & Co минатата година оствари профит од 7.2 милиони фунти.
Погледнете ја листата на британски милионери помлади од 30 години:
1. Хари Стајлс, 28 (116 милиони фунти)
2. Дуа Липа, 27 (69.1)
3. Кара Делевињ, 30 (63.8)
4. Нил Хоран, 29 (58.4)
5. Луј Томлисон, 30 (48.3)
6. Лиам Пејн, 29 )47.4)
7. Зејн Малик, 29 (38)
8. Сем Смит, 30 (37.8)
9. Дејзи Ридли, 30 (36.1)
10. Џон Бојега, 30 (28.8).