Дури и на оние кои строго водат сметка за хигиената им се случува некои работи поврзани со чистотата на телото да ги прават несоодветно или воопшто да не ги прават.
Кои се најчестите хигиенски грешки на кои треба да се обрне внимание?
Користите само антибактериски сапун
Во страв од бактерии и вируси, дали секојдневниот сапун за раце го заменивте со антибатериски? Со овој потег веројатно сте сакале подобро да се заштитите од микроорганизми, но правите штета на вашата кожа.
Не употребувате забен конец
Веројатно ги миете забите двапати на ден, но ви недостига време за чистење со конец, што е исклучително важно. Забниот конец може да спречи развој на кариес и во долг рок да ви заштеди пари од посета на забар.
Дури и по миењето на забите остануваат честички од храна кои можат да се отстранат со забен конец. Ако не го направите тоа, ќе се претворат во дамки или забен камен. Ќе забележите и дека здивот ќе ви биде посвеж кога редовно користите забен конец.
Се туширате пречесто и предолго
Многумина во текот на летото се тушираат повеќе пати на ден за да се освежат по потење, додека во зима се тушираат со врела вода и прилично долго време. И едното и другото не е пожелно и може да доведе до здравствени проблеми.
Нашата кожа има и добри бактерии кои ја хидрираат и се борат против лошите мисири, спречуваат воспаленија и слично. Со долго или често туширање тоа го миеме од кожата и затоа станува сува и иритирана. Внимавајте и со кои производи се капете.
Користите премногу агресивно средство за чистење на лицето
Ако користите остри пилинзи и средства за чистење на лицето за да се ослободите од проблеми со кожата, може да ги иртирате уште повеќе. Пречестото и грубо чистење ќе ја исуши и иритира кожата. Можно е да дојде до производство на вишок масти за да се надомести недостигот на влага, што ќе ги затвори порите и ќе доведе до нечистотии.
Препорака е да се советувате со козметичар или друг експерт кој ќе ви помогне што да користите за вашиот тип на кожа.
