COP28 е официјално најголемиот самит за климата на ОН во историјата со 80.000 пријавени учесници, кои за прв пат се познати и за кои работат.
До оваа година, од оние кои учествуваа не се бараше да кажат за кого работат, што го отежнува откривањето на лобистите и идентификувањето на потенцијални конфликти на интереси меѓу преговарачите.
Околу 104.000 луѓе, вклучително и технички и безбедносен персонал, оваа година имаат пристап до „сината зона“ посветена на вистинските климатски преговори и павилјоните на присутните земји и организации.
Тоа далеку го надминува претходниот рекорд на минатогодишниот самит на ОН за климата во Египет, COP27, на кој имаше 49.000 акредитирани присутни и каде лобистите за нафта и гас ги надминаа повеќето национални делегации, според невладините организации.
Годинава има речиси 23.500 луѓе од официјални владини делегации.
Со нив патуваат 27.208 политички експерти, академици, претставници на професионални организации и високи функционери на нафтени компании.
Овие гости немаат ист степен на пристап до преговорите како официјалните претставници, но нивното присуство ја зголеми загриженоста дека големиот капитал има способност да влијае на разговорите.
Меѓу гостите на земјата домаќин се Бил Гејтс и Антоан Арно, син на шефот на LVMH Бернард Арно, вториот најбогат човек во светот по Илон Маск.
Списокот за акредитација вклучува и повеќе од 14.000 невладини организации, од еколошки групи до индустриски лобисти.
Организаторите велат дека уште околу 400.000 луѓе се регистрирале за да добијат дневна карта за огромната „зелена зона“ околу местото на одржување на самитот, која е трансформирана во голем саем на кој се прикажуваат компании и иновации за животната средина.
