За некои луѓе правењето хамбургер е уметност и предизвик за поставување нов Гинисов рекорд.
Роберт Јан де Вин од Холандија туку што урна светски рекорд за најскапиот хамбургер во светот, со неговата најнова креација наречена Golden Boy. Во однос на другите, тој не се истакнува со величината туку со состојките од кои е направен и токму затоа е продаден за 5.000 евра.
Хамбургерот е направен од говедско месо, Белуга кавијар и злато што се јаде. Интересно е што целиот приход од овој хамбургер е наменет за хуманитарни цели, односно за сметка на една холандска банка за храна.
Засега е продаден само еден примерок, а Роберт е подготвен да направи колку што треба ако има уште заинтересирани.