Една од најпопуларните фудбалерки во светот, Алиша Леман, во интервју за подкастот „DirTea Talk“ на швајцарската диџејка Ширин Дејвид откри дека својата голема заработка и слава им ја должи на социјалните мрежи. Откри дека мора да заработува и на овој начин, бидејќи не може да достигне до платите на машките колеги.
Рекла дека за секоја објавена слика добива по околу 260.000 евра преку спонзори, а на прашањето која е најпознатата личност која ја контактирала таа одговорила: „Дрејк. Пред некој ден ми испрати порака и ми го побара дресот“.
После тоа откри дека ја контактирала „светски позната ѕвезда“ и ѝ понудила 100 илјади евра за една ноќ во кревет. Таа го одбила и се изнервирала, а во разговорот рекла дека се работи за срамна понуда.
„Нема да откријам за кого се работи, но тој е малку глупав. Ги имам тие пораки на мојот мобилен телефон, но не му одговорив. Никогаш не сме се сретнале, еднаш само бевме на ист настан“, рече таа.
Леман има 27 години, игра за Астон Вила и швајцарската репрезентација, а на Instagram ја следат над 15 милиони луѓе.
Се декларира како бисексуалка, па извесен период излегуваше со својата соиграчка Рамона Бахман од репрезентацијата, како и со фудбалерот на Астон Вила, Даглас Луис.