Еден од старите другари на Роналдо и негов соиграч од Јунајтед и од репрезентацијата, Нани, го поддржа во намерата да си замине од сѐ послабиот Манчестер Јунајтед.
Нани беше гостин во подкастот „VIBE WITH FIVE“ на Рио Фердинанд каде го искажа своето мислење за сагата на Роналдо и неговите обиди летово да го напушти „Олд Трафорд“ по секоја цена.
„Помина долго време откако игравме заедно, Роналдо веќе не е дете. Времињата се менуваат и реакциите и однесувањето можат исто така да се променат. Но, како што гледаме, тој ги прави истите работи како вообичаено; не сака да губи и реагира кога тимот не игра добро“, почна Нани.
„Единствената разлика е што времињата се различни. Повторно игра во Манчестер Јунајтед, но беше секаде, во различни тимови и со различни играчи. Тој е во клуб каде тренерите се обидуваат да изградат силен тим, а тоа не е лесно, треба време“.
„Но, Кристијано нема време за губење правејќи тимови или чекајќи наредна сезона. Тој сака да продолжи да биде на врвот, да постигнува голови, да биде човек на одлука. Токму затоа неговата реакција е нормална, сите ние понекогаш реагирае погрешно“, објасни тој.
Луиш Карлуш Алмејда да Куња, попознат по прекарот Нани, сега има 35 години и игра во австралиската лига за тимот на Мелбурн Виктори. Со Роналдо заедно играше во Јунајтед од 2007 до 2009 година, а исто како него и тој произлезе од лисабонски Спортинг. Заедно делуваа и во репрезентацијата на Португалија сѐ по повлекувањето на Нани во 2017 година.
