Калчолигашот потврди дека го комплетираше трансферот на напаѓачот Џовани Симеоне, синот на предводникот на мадридски Атлетико.
Аргентинецот му се приклучи на Наполи на позајмица од Верона, но со клаузула според која клубот од Неапол ќе мора целосно да го откупи доколку успее да се пласира во Лигата на шампионите наредната сезона. Ќе го носи бројот 18.
Симеоне доаѓа во Наполи како замена за Дрис Мертес, кој си замина откако неговиот договор истече во јуни и одлучи да не го продолжи.
Џовани игра на Чизмата уште од 2016 година кога од редовите на Ривер Плејт дојде во Џеноа. Играше уште и за Фиорентина и Каљари пред минатото лето да се пресели во градот на Ромео и Јулија. Има одиграно 215 натпревари во Серија А и постигнато 67 голови од кои 17 минатата сезона. За репрезентацијата на Аргентина има само 5 настапи и 1 постигнат гол и тоа сите пред 5 години.