Во летните горештини сите имаме желба да се освежиме со десерт, а домашниот сладолед освен што се прави брзо исто така е поздрав, поевтин и повкусен.
Искористете ги јагодите и пробајте го овој рецепт кој ќе им стане омилен на сите, особено на децата.
Потребни состојки:
-400 г свежи јагоди
-250 мл слатка павлака
-200 мл кисела павлака
-200 г шеќер
-мелени бисквити и чоколаден прелив, по желба
Начин на подготовка:
Изматете ја слатката павлака. Во киселата павлака додадете шеќер и матете додека не се растопи.
Јагодите измијте ги, исчистете ги, изгмечете ги и додадете ги на киселата павлака. Во смесата полека вмешајте ја слатката павлака и по вкус додадете мелени бисквити. На оваа количина доволно е 100 грама, но не е задолжително.
Ставете го сладоледот во замрзнувач, со повремено мешање за да се избегне создавање на кристали лед. Откако ќе замрзне, вадете топки со лажица за сладолед и послужете со прелив од чоколадо.