Мажена жена која работела како замена на наставничка во Оклахома е обвинета за развратни дела и испраќање „голи“ фотографии на 15-годишен ученик.
Ема Дилејни Хенкок (26), поранешна учителка во училиштето Велстон, почнала да му праќа пораки на малолетникот во октомври 2022 година.
Преписката започнала со испраќање пораки на кои Хенкок на 15-годишшното момче му испраќала домашни задачи. После неколку недели, тинејџерот ѝ испратил на наставничката фотографија на која е без кошула.
Хенкок одговорила: „Дали сега испраќаме полуголи слики?“, на што тинејџерот напишал: „Не знам, праќаме ли?“. Таа тогаш му рекла дека може да остане без работа, пишува Daily Mail.
Во обвинението се наведува дека по оваа размена Хенкок и тинејџерот почнале почесто да разменуваат „голи“ фотографии и видеа од сексуални активности, а во два наврата се бакнувале и се допирале додека биле во училница.
Во обвинението се наведува и дека 15-годишникот во еден момент му кажал на својот пријател за врската со Хенкок. Кога друг ученик ја прашал дали е вистина, таа прво го погледнала, но потоа признала. Наводно му рекла на ученикот дека врската не е проблематична бидејќи нема да бидат фатени, пренесува медиумот.
Хенкок е омажена со началникот на полицијата во градот, Алфред Хенкок.
Таа беше обвинета за недолично однесување кон малолетник и поттикнување на сексуални активности.
Се појави на суд во четвртокот, а потоа плати кауција за да остане на слобода за време на судењето.
