При породувањето, со детето се раѓа и мајката. Самиот процес на мајчинство е процес на трансформација и научно е докажано дека секоја жена се менува откако ќе стане мајка.
Научниците велат дека одговорот на прашањето зошто е тоа така е комплициран и сложен. Што точно се менува кога ќе станете мајка?
Родителството не е само радост и среќа, туку огромна одговорност. Кога ќе станете родител, не плачете само од среќа, понекогаш ви се слеваат солзи и од болка – физичка и психичка.
Помислата дека само вие сте одговорни за раѓањето на дете во овој свет предизвикува страв кај многумина. понекогаш родителите се многу уплашени, па стануваат премногу заштитнички настроени. Исто така се гледа дека мајките во текот на бременоста често чувствуваат некоја закана во нивното опкружување, што на некој начин влијае на нивното ментално здравје.
Според извештај објавен во Сајтифик Американ, мајчиниот мозок минува низ неколку промени.
„Драматичните хормонски флуктуации кои се појавуваат во текот на бременоста, породувањето и лактацијата можат да го преобликуваат женскиот мозок, зголемувајќи ја величината на невроните во некои региони и произведувајќи структурни промени во другите“, се вели во студијата.
Хормонските флуктуации, носењето бебе и лактацијата предизвикуваат физички промени кај жените. Во текот на доењето вашите коски ќе губат минерали и тоа ќе ве прави склони кон инфекции и слабости. Иако работите се враќаат по стари откако детето ќе се одвикне од цицање, тоа влијае на начинот на кој бубрезите и другите главни органи функционираат поради нивото на калциум во телото.
Очекувањата од мајките секогаш се големи. Од нив се очекува воспитано и дотерано дете, дотерана жена, чист дом, друштвен живот, очекувањата се преголеми и листата нема крај.
Одговорот затоа е сосема јасен. Работите се менуваат откако ќе станете мајка бидејќи се менуваат приоритетите. Притисоците од општеството, физичките и психичките промени носат големи промени кај мајките, а за тоа е очигледно дека се молчи или на некој не му одговора да се зборува.
На крајот на краиштата, ќе звучи како мајката да се жали за тоа што родила дете па најчесто наидува на осуда.