Голманот на ПСЖ и репрезентативец на Костарика, Кејлор Навас, ќе ја продолжи кариерата во италијанскиот прволигаш Наполи, пренесоа италијанските медиуми.
Навас (35) во моментов не е во преден план во ПСЖ, бидејќи на голот на францускиот првак е неприкосновениот Џанлуиџи Донарума.
Новиот тренер на парискиот клуб, Кристоф Галтје, изјави дека не смета на услугите на Навас за оваа сезона и, според пишувањето на римска la Repubblica, искусниот голман ќе му биде позајмен на Наполи до јуни, идната година.
Навас дојде во ПСЖ во 2019 година од Реал Мадрид, а претходно бранеше за Леванте, Албасете и Саприса.