Дали сте знаеле дека прошетката е еден од начините кои ќе ви помогнат да си ја подобрите креативноста и да го унапредите вашиот живот? Ова го знаел генијалецот Лудивиг Ван Бетовен.
Имено, тој после секој ручек заминувал на долги прошетки во шума.
Задолжително со себе носел молив и неколку листови хартија, за да ги запишува нотите кои ќе му дојдат на памет.
Слична метода користеле и неговите колеги, великани како Густав Малер и Бенџамин Бритен.
Научници од Стенфорд докажале дека прошетката го поттикнува креативното размислување. Одењето е најлесен и најбезбеден пат до доброто здравје на духот и телото.
Предностите од одењето се во тоа што организмот подобро функционира, се врши подобра размена на супстанции и се вдишува повеќе кислород.
Телото се релаксира и покрај благиот замор, се враќа загубената сила, поквалитетно и здраво се спие.
Експертите тврдат дека овој вид на активности го подобрува квалитетот на животот за 27 отсто.
Во текот на одењето доаѓа до ослободување на ендофрин, хормон кој престставува „природна дрога“, која предизвикува добро расположение.
Меѓутоа, одењето не го подобрува само здравјето, туку поттикнува и на креативно размислување.
Бетовен и многу други великани ги користеле прошетките како одмор.
Значи, по завршувањето на работа пожелно е да се отиде во прошетка и тогаш постои голема веројатност да ви се појават нови возбудливи идеи, бидејќи до креативност доаѓа после комбинација на напорна работа и анализа на сработеното.
Американски научници откриле дека енергичните прошетки три пати неделно го зголемуваат хипокампусот, важен дел од мозокот кој влијае на краткотрајната и долготрајната меморија и анализа на примените информации.
Исто така, бројни истражувања спроведени на постари личности, покажале дека прошетката е многу корисна за спречување или забавување на појавата на губење на паметењето или деменција, а и за зачувување на способноста за учење.
