Навивачите на Рома за неполни 24 часа ја собраа сумата за да ја платат казната за фудбалерот на Волчицата Џанлука Манчини за неговите постапки при прославата на победата над Лацио.
27-годишниот италијански дефанзивец стана херој на Рома откако го постигна победничкиот гол на дербито со Лацио, а по натпреварот со навивачите ја прослави победата со веење знаме со боите на градските ривали и цртеж на стаорец.
Манчини беше казнет со 5.000 евра, но навивачите на Рома започнаа кампања и за 24 часа собраа 5.900 евра. 620 поддржувачи учествуваа во кампањата на страницата Go Fund Me.
Доколку Манчини не ги прифати парите, средствата ќе бидат донирани во хуманитарни цели.
