Масовно дошле на гостување и одлучиле да ја преуредат трибината како што ним им одговара.
Ајнтрахт од Брауншвајг сезонава игра во втората Бундеслига, и не му оди добро - претподследен е, а да не беа трите победи на последните пет натпревари, ќе останеше онаму каде беше на почеток, на последното место.
Пред неколку недели овој тим гостуваше кај Хановер и загуби со 2:0. Треба да се знае дека двата клуба се големи ривали. Па, ништо чудно што натпреварот остана запаметен по лудориите на гостинските навивачи.
Во еден момент одлучија да ја преуредат гостинската трибина на стадионот „Хајнц-фон-Хајден-Арена“.
Прво почнаа да ги вадат рекламите, па монтажната ограда.
Потоа следуваше шок. Цел редови столчиња почнаа да летаат од трибината, за на крајот и да ги запалат со бакљи.