Синоќа НБА лигата ни докажа зошто е најдобрата спортска лига во светот. Возбудливата вечер донесе неколку интересни и неочекувани резултати, уште неколку легендарни индивидуални партии и многу неизвесност.
Легендарниот Винс Картер се запиша во историјата како 22-от играч кој успеал да постигне 25.000 поени во НБА лигата, откако синоќа учествуваше со 14 поени во поразот на неговиот тим Атланта Хокс од страна на Торонто Репторс со резултат од 124:108.
Иако поразен, Картер вистински се израдува кога го постигна 25.000-от поен во неговата професионална кариера и тоа на начинот на кој сите очекуваа од него – со забивање. Со 41 година, Картер е најстариот кошаркар во лигата, но и понатаму не се откажува и е решен да биде ментор на младите играчи, кои пораснаа угледувајќи се на него и неговата генерација.
Во долго најавуваното враќање на Леброн Џејмс во Кливленд, домашната публика не беше премногу возбудена поради неговото доаѓање бидејќи беа сигурни дека натпреварот ќе резултира во пораз. И токму тоа се случи, тимот на Кавалирс загуби од Лејкер со 109:105, а Џејмс беше најдобриот играч на паркетот, забележувајќи 32 поени, 14 скока и 7 асистенции. Талентираниот Лонзо Бол додаде 15 поени, 7 скока и 6 асистенции и притоа шутираше ефикасно од поле, додека Брендон Инграм заврши со 14 поени.
Останати резултати:
Шарлот Хорнетс – Индијана Пејсерс 127:109
Филаделфија Севентисиксерс – Њу Орлеанс Пеликанс 121:120
Бостон Селтикс – Њујорк Никс 109:117
Чикаго Булс – Феникс Санс 124:116
Хјустон Рокетс – Детроит Пистонс 126:124
Милвоки Бакс – Портланд Трејл Блејзерс 143:100
Минесота Тимбервулвс – Денвер Нагетс 101:103
Далас Маверикс – Бруклин Нетс 119:113
Сан Антонио Спарс – Мемфис Гризлис 103:104
Јута Џез – Сакраменто Кингс 110:119
Голден Стејт Вориорс – Оклахома Сити Тандер 95:123
