Овој рецепт за совршен почеток на денот е вкусен и полн со протеини кои ќе ви дадат доволно енергија за сите секојдневни предизвици.
Единствените состојки што ви се потребни за овие палачинки со две состојки се јајца и крем сир. Не ви треба брашно, но секако ќе треба да ја намачкате тавата за печење со нешто, а ваше е дали ќе изберете путер или масло. Рецептот е американски, па палачинките се помали, но подебели од нашите.
Количината на состојки наведени во рецептот е доволна за две порции.
Потребни состојки:
- 120 гр крем сир
- 4 јајца
- путер или масло
Подготовка:
Измешајте ги крем сирот и јајцата во блендер. Загрејте тава со малку масло (или путер) на средна температура.
Пржете ги палачинките додека рабовите не почнат да се одвојуваат и целата палачинка да почне сама да се двои од тавата, а потоа свртете и печете ја од другата страна.
Палачинките по желба може да се засладат и збогатат со овошје, а можете да ги послужите и во солена варијанта - со свежо сирење или туна од конзерва.