Најмалку две цистерни со гориво се уништени во воздушен удар на неидентификуван дрон на сириската страна од границата со Ирак, соопштија ирачките безбедносни сили за Reuters.
Нападот е изведен со дрон и имал за цел конвој камиони кои превезувале иранско гориво и влегле преку граничниот премин Каим во Сирија.
„Не е соопштено за какви било жртви“, изјави офицер на ирачката гранична полиција.
Големата експлозија била видлива и од сириската страна на границата, конвојот вклучувал над 20 цистерни со гориво.
Иранската државна Press TV го потврди нападот и ги обвини САД дека го извеле, наведувајќи дека „конвојот цистерни кој превезувал гориво во Либан од Ирак преку Сирија нападнат со американски дронови“.
Американската војска соопшти дека не стои зад нападот, ниту на кој бил начин е вмешана во тоа.