Сите знаеме за теориите дека секогаш е повреден или суспендиран на роденденот на сестра му, а сега во Франција се појавија теории дека намерно добил црвен картон на мечот со Стразбур. Причината - новогодишна прослава во Бразил!
Нејмар буквално заработи два жолти картони во временски интервал од неколку десетици секунди на мечот со Стразбур. Најпрвин во 61. минута со рака удри противнички играч во лице и Клемон Турпан за прв пат го запиша во својот бележник. Потоа се затрча во шеснаесетникот, падна театрално и доби втор жолт картон.
Со овој црвен картон доби исклучување, што значи дека нема да игра на следниот меч, кој сосема погодно се паѓа на 1 јануари, 2023 година. Тогаш Пари Сен Жермен ќе игра со Ленс, но без Нејмар.
Наводно, Нејмар планира да ја дочека Новата година во својата татковина, но има уште. Пред Нова година има уште поважен празник наречен „ревејлон“. Преведено како „будење“, причината за таквото име е обичајот да се остане буден цела ноќ и да се ужива во богата гозба.
Тогаш се јаде печено месо и морски плодови, како и јастози и ракови, а се чини дека на Нејмар тоа му е поважно од натпреварот со Ленс.