Бразилскиот фудбалер Нејмар(29) ги нападна оние што го критикуваат и рече дека заслужува поголема почит од бразилските навивачи и медиумите.
„Не знам што уште морам да направам за да ме почитуваат навивачите“, изјави 29-годишниот фудбалер.
Напаѓачот на ПСЖ на натпреварот против Перу(2:0) за квалификациите за СП 2022, се запиша во листата на стрелци и имаше една асистенција, но повторно беше мета на критики.
На навивачите им пречи неговиот начин на живот, однесувањето на терен, расправиите со останатите играчи, а исто така сметаат дека е премногу дебел.
„Ова веќе не е нормално. Понекогаш не сакам ниту да дадам интервју, но во важните моменти ја извршувам оваа должност“, додаде Нејмар кој во дресот на бразилската репрезентација постигна 69 голови на 113 настапи.
За да ги замолчи критичарите кои го напаѓаат дека е премногу дебел, откако постигна гол против Чиле, го крена дресот и го покажа стомакот.
Нејмар има огромен талент, но секогаш е мета на критики.
„Ова се случува веќе некое време“, истакна тој.