Правилната нега на косата е нешто што се усовршува со текот на годините, од изборот на вистинскиот шампон, регенератор и маски за коса до тоа колку често треба да ја шишате и фарбате.
Се чини дека на секои неколку години нашите прамени минуваат низ голема промена, без разлика дали станува збор за пубертет, бременост или природен процес на стареење. Но, еден од најнепријатните транзиции е кога косата почнува да расте побрзо отколку што можеме да ја фарбаме, а изгледа како да сме биле на фризер пред само две недели.
Во тој момент најприродно е да се запрашате - дали да престанам да ја фарбам косата? Седата коса не е најлошото нешто што може да ви се случи. Всушност, има многу придобивки ако ја оставите вашата коса да побели, а штом ќе научите за нив, ќе мора двапати да размислите дали некогаш повторно да ја фарбате косата.
Ако престанете да ја фарбате косата, таа ќе стане поздрава. Само размислете што се случува кога ја фарбате – нанесувањето на бојата ги подигнува заштитните протеини на косата, така што хемикалиите можат да навлезат во праменот и да ја променат нејзината боја. Иако ова може да резултира со сјајна нијанса, ја ослабува косата, што може да предизвика кршливост, сувост и севкупно проретчување.
Ова особено се однесува на фарбањето седа коса, која сама по себе е веќе кревка. Значи, ако престанете да ја фарбате, веројатно ќе забележите колку вашата коса ќе стане поздрава и колку подобро ќе изгледа.
Решението да ја прифатите вашата седа коса може да ви заштеди пари. Без разлика дали секој месец одите на фризер или сами ја фарбате косата дома, на овој начин ќе заштедите многу пари, а исто така повеќе нема да ви требаат скапи маски за коса, масла и шампони за заштита на бојата кои често се потребни за фарбана коса, за таа да го зачува својот сјај.