Одржувањето на вашиот ум бистар и сосредоточен е од витално значење за секој од нас. Мозокот сака предизвици. Според Quiz Lab, овие седум совети може да му помогнат на Вашиот умот да ги одржи и прошири своите способности.
Главната придобивка од сложувалката е вежбањето на левата и десната страна на мозокот одеднаш. Тоа е умствена вежба којашто ги подобрува вештините за решавање проблеми. Уште повеќе, ги зајакнува врските меѓу мозочните клетки и на тој начин го подобрува краткорочното паметење.
Поставувањето повеќе задачи одеднаш – не е добро учење. Го намалува вниманието, концентрацијата и краткотрајното помнење. На крајот на краиштата, неопходно е да бидете таму каде што сте во мигот, за да се постигнат најдобри резултати. Повеќето обврски во истовреме, ги спречува луѓето во успех. Сосредоточувањето на обврските една по една ја обновува бистрината и вниманието.
Учењето нови вештини помага да се зајакнат врските во мозокот. Тоа може да бидат различни работи, како што се танцување, нов странски јазик… Така да не губете време и – напред!
Физичката активност ги стимулира хемиските промени во мозокот коишто го подобруваат учењето, расположението, размислувањето и интелигенцијата. Никој не знае точно која вежба е најдобра, па така, може да изберете каква вежба сакате. Не заборавајте дека и активностите во домаќинството се корисни – интензивното бришење под, собирањето лисја во дворот или што било што ќе ве испоти малку.
Ако работите напорно, мора да научите да се опуштите и „да ги наполните батериите“. Ако не – ќе страдате од исцрпеност. Таквата состојба може да предизвика сериозни проблеми со физичкото и психичкото здравје. Вистинско опуштање значи смирување и вистинско уживање во времето без каква било продуктивност, барем некое време…
Медитацијата ја зголемува интелигенцијата на многу начини. Докажано е дека тоа ги синхронизира двете мозочни хемисфери. Кога логичниот лев дел од мозокот и креативниот десен дел работат во хармонија, решавањето проблеми станува лесно, креативноста се множи, длабокото размислување станува вообичаеност, а сосредоточеноста се зголемува.
Пишувањето е активност за зајакнување на мозокот која ве принудува да ангажирате повеќе различни делови од умот. Вашата редовна активност за пишување може да има речиси секаков облик – започнете да ги овековекувате вашите спомени или – создадете збирка поезија. Секојдневното пишување му помага на мозокот да остане зафатен.