Минатата година Lamborghini испорача 9.242 автомобили, што е нов продажен рекорд во историјата на познатата италијанска автомобилска компанија.
Дека нема криза во светот на богатите, потврдува и новиот продажен рекорд на Lamborghini, кој минатата година испорача 9.242 автомобили ширум светот, што е за десет отсто повеќе од постигнатиот резултат во 2021 година.
Не е изненадување што главен „виновник“ за успехот на Lamborghini и натаму е теренецот Urus, кој лани достигна бројка од 5.376 клиенти, што е седум отсто повеќе од 2021 година, а суперспортскиот двосед Huracan во неколку верзии го купиле 3.113 клиенти. Моделот Aventador со V12 погон, чие производство заврши во септември, беше испорачан во 753 примероци.
Најголем број модели на Lamborghini завршиле во САД (2.721 примероци). Најмногу купувачи на „разјарени бикови“ во европските земји имало во Германија и Велика Британија, а со зголемувањето на продажбата Lamborghini ја проширил и продажната мрежа, па сега има 180 продажни и сервисни центри во 53 земји.