Навивачите на Башакшехир покажаа срамно и неспортско однесување на средбата меѓу истанбулскиот клуб и Рома.
Гостинскиот играч Лоренцо Пелегрини чекаше покрај аут линијата да изведе корнер, кога некој од навивачите на Башакшехир од трибините фрли тврд предмет, најверојатно метална паричка, и го удри играчот на Рома по глава.
Пелегрини со крвава глава го напушти теренот за да добие лекарска помош.
23-годишниот фудбалер се врати во игра, но тренерот Пауло Фонсека го извади од игра во 71. минута.
Рома победи со 3:0 на вчерашниот натпревар со што обезбеди сигурен пласман во нокаут фазата, а Пелегрини даде свој придонес со две асистенции.
