Netflix предизвика бурни реакции откако се шпекулираше дека има намера да прикажат афера на принцот Филип во популарната серија „The Crown“.
Принцот Филип, сопруг на покојната кралица Елизабета Втора, бил љубител на возење со кочија. Таа љубов го споила со Пени Начбул, која му станала драга пријателка. Нивното пријателство резултираше со шпекулации за афера кои сега повторно се појавија.
Во јавноста се појавија шпекулации дека можно е Netflix да прикаже сцени од аферата на принцот Филип и Пени во петтата сезона на познатата серија, што предизвика крајно негативни реакции кај публиката. Серијата би требало да се врати на малите екрани на 9 ноември, а содржината на новата сезона ги загрижи луѓето блиски до кралското семејство.
Откако медиумите објавија дека ќе се прикажуваат интимни сцени меѓу парот, се огласи портпаролот на кралицата Дики Арбитер, кој ѝ служеше на кралицата од 1988 до 2000 година.
„Серијата излегува само неколку недели по погребот на кралицата, што е невкусно и сурово. Вистината е дека Пени беше долгогодишна пријателка на целото семејство. Netflix едноставно не го интересираат чувствата на другите луѓе“, коментира Арбитер, кој вели дека е повреден од потегот на Netflix.
Принцот Филип почина во април минатата година, а неговата сопруга кралицата Елизабета Втора во септември оваа година.
