Ако ја споделите вашата лозинка за Netflix со некој познаник или пријател, вашата претплата ќе поскапи. Од 2023 година, Netflix ќе почне да наплаќа за споделување лозинка, а профилите ќе станат под-сметки.
Платформата објави дека официјално ќе започне со наплата за споделување на профилите на почетокот на следната година, откако го навести тоа во последните месеци.
Во писмо до акционерите, Netflix рече дека компанијата има намера да лансира под-сметки за „дополнителни членови“ во 2023 година, што ќе бара од корисниците да платат дополнителен надомест за пријателите и членовите на семејството да пристапат до нивниот профил.
Netflix не прецизираше колкава ќе биде дополнителната членарина. Овој потег доаѓа кога другите платформи почнуваат да идентификуваат начини за спречување и ограничување на споделувањето лозинки.
Според мартовската анкета на Leichtman Research Group, околу една третина од американските претплатници на Netflix моментално ги споделуваат своите лозинки. Новата политика може да обезбеди корисен приход за платформата, која имаше бурна година.
Иако компанијата соопшти дека доживеала пресврт и добила повеќе од 2 милиони нови претплатници, таа изгуби претплатници во три последователни квартали и се бореше против забавувањето на растот.
Како што се враќа во динамика, наплатата на дополнителни членови и овозможува на компанијата да започне со „монетизација на сето тоа неплатено гледање“, рече финансискиот директор на Netflix Спенс Нојман во разговорот со инвеститорите во вторникот.
