Долгоочекуваната серија „The Sandman“ на Netflix пристигнува ова лето.
Netflix го одреди датумот на премиерата на долгоочекуваната серија инспирирана од стриповите на Нил Гејман. Објавен е и првиот трејлер во кој може да видиме нови детали за серијата.
Трејлерот открива фасцинантен поглед на земјата на соништата во која станува збор за неверојатно фантастичен свет на зимзелени дрвја, снежни планински врвови и прекрасни дворци. Но, еден вид темнина се надвива над нив, а земјата почнува да пропаѓа.
Netflix ја опишува серијата како „богат микс на модерен мит и мрачна фантазија во која се испреплетени современата фикција, историската драма и легенда. Новиот трејлер дава увид и во големиот број ликови.
Во главните улоги ги гледаме Том Стуриџ, Квендолин Кристи, Чарлс Денс, Бојд Холбрук и други. Првата сезона од 10 епизоди ќе биде емитувана на 5 август на Netflix.