Нобеловата награда за физика во 2021 година ја добија тројца научници за нивните достигнувања во областа на климатските истражувања, пренесе CNN.
Клаус Хаселман и Сукуро Манабе ја делат едната половина на годинешната Нобелова награда за физика, а другата му припадна на научникот Џорџо Париси. Сите тројца придонеле во разјаснувањето на земјината клима и други комплексни системи, соопшти во денешното образложение Шведската кралска академија на науки во Стокхолм.
Престижната награда се состои од доделување златен медал и парична награда во износ од 10 милиони шведски круни (над 1.14 милиони долари). Паричниот износ на наградата потекнува од фондот оставен од шведскиот пронаоѓач Алфред Нобел, кој почина во 1895 година.
Во понеделникот беше доделен Нобелот за достигнувања во психологијата или медицината на Американците Дејвид Џулиус и Ардем Патапитијан, за нивното откритие за тоа како човечкото тело ги перципира температурата и допирот.
Наредните денови ќе бидат доделени наградите за хемија, книжевност, мир и економија.
