Жанг Веили од Кина со нокаут во втората рунда ја победи Полјачката Јоана Једржејчик. Пред повеќе од две години двете ја приредија можеби најдобрата борба во историјата на женскиот УФЦ.
Спектаклот не изостана ниту сега, само исходот беше малку поинаков. Жанг со нокаут во втората рунда ја порази Јоана пред публиката во Сингапур. Ударот дојде од движење и тоа од задниот дел на раката кој Јоана не го виде, па набргу заврши на подот, а Жанг со крената рака.
По поразот, Јоана ги остави ракавиците во октагонот што значи само една работа, славната борачка официјално ја заврши кариерата.
„Наскоро полнам 35 години. Сакам да станам мајка и да се посветам на бизнисот“, објасни Јоана.
Голем број навивачи се собраа на излезот за уште еднаш да ја поздрават некогашната шампионка.