ММА борачот од Иран, Али Хеибати, направи сосема неразбирлив потег во пресрет на неговата борба во Шампионатот за хардкор фајтинг (ХФЦ).
Хеибати имаше борба со Ерменецот Аркадиј Осипјан, а моментот на „затемнување на умот“ му се случи пред самата борба.
Имено, атрактивната ринг-девојка влезе во октагонот носејќи табла со број 1, пред првата рунда, а кога минуваше пред Хеибати, тој со нога ја удри по задникот.
Не беше силен удар, но секако ја налути девојката која се сврте кон Иранецот и му кажа неколку зборови.
По кратка дискусија, на Иранецот му беше дозволено да се бори, запиша пораз, а потоа организацијата објави дека добил забрана за понатамошно натпреварување под нејзино покровителство.
„Имајќи ја предвид сериозноста на прекршокот, како и видео снимките и доказите што ги прегледа здружението, беше одлучено трајно да се суспендира Али Хеибати од организацијата Hardcore Fighting Championship. Да се почитуваме“, соопшти руската организација во соопштението.
Хеибати ѝ се извини на девојката што ја удри, но веќе беше залудно.
