Шпанска Marca најавува три спектакуларни трансфери што Реал Мадрид би можел да ги направи во наредниот летен преоден рок, и тврди дека нови играчи на Кралскиот клуб би можеле да станат Килјан Мбапе, Ерлинг Холанд и Пол Погба.
Од Marca тврдат дека неуспешните обиди на Реал Мадрид да го доведе Мбапе во своите редови во неодамна завршениот летен преоден рок нема премногу да ги наруши плановите на претседателот Флорентино Перед, повикувајќи се на информации дека Кралскиот клуб ќе донесе три спектакуларни засилувања во своите редови следната сезона.
Серхио Рамос и Рафаел Варан неодамна го напуштија Реал, Давид Алаба и Едуардо Камавинга му се приклучија на клубот, а иако речиси целиот преоден рок се обидуваа да го донесат Мбапе, сепак Реал остана без ѕвездата на ПСЖ бидејќи челниците на клубот одбија неверојатна понуда од 200 милиони евра.
Сепак, Реал веќе планира да го доведе Французинот во своите редови како слободен играч следното лето, а Marca тврди дека во своите редови ќе ги донесат и Ерлинг Холанд од Борусија Дортмунд и Пол Погба од Манчестер Јунајтед.
Весникот понатаму наведува дека Реал ќе покаже дека тој се уште е владетел на најголемите трансфери во светот, а сето тоа сакаат да го направат на реновираниот стадион „Сантјаго Бернабеу“.
Го споменуваат и фактот дека Марселу, Иско и Гарет Бејл би можеле да го напуштат клубот, додека судбината на Лука Модриќ ќе биде позната по оваа сезона и во однос на она што ќе го покаже следната година.