Непознато лице пукало од огнено оружје кон дежурно полициско возило на косовската полиција во месноста Бањска - Извор, во општина Звечан, соопшти полицијата во Приштина.
Тие изјавиле дека во нападот нема повредени, но дека возилото има материјална штета на стаклото во близина на возачкото седиште.
Полицијата се сомнева дека цел на нападот бил возачот, а преземени се потребните оперативно и истражни дејствија, вклучително и увид на местото на настанот, при што е утврдено дека автомобилот бил погоден од проектил од огнено оружје.
Според полицијата, со интензивна истрага успеала да го идентификува напуштениот автомобил на осомничениот, на планински пат на оддалеченост од околу 250 метри, за кој постои сомневање дека е поврзан со случајот.
Исто така, во близина на возилото биле забележани траги на осомничени кои побегнале во непознат правец.
Според полицијата пронајденото возило било со „лажни регистарски таблички“. Полицијата во соработка и координација со надлежен обвинител отвори кривична постапка квалификувана како „убиство во обид и напад врз службено лице“.
