Илон Маск стави крај на работењето на далечина за персоналот во компанијата Twitter, пишува Bloomberg.
Маск испрати е-пошта до вработените за да им каже да се вратат во канцеларијата најмалку 40 часа неделно.
Тој, исто така, го предупреди персоналот за „тешките времиња што претстојат“ во е-поштата.
Милијардерот, кој го презеде Twitter на 27 октомври, нагласил дека на вработените повеќе нема да им биде дозволено да работат од далечина. Од нив се очекува да бидат во канцеларија најмалку 40 часа неделно, освен ако Маск не даде одобрение да работат на друго место, се вели во мејлот, објави Insider.
Од Twitter не одговориле на барањето на Insider за коментар, испратето надвор од нормалното работно време.
Извршниот директор на Tesla и SpaceX, исто така, напишал дека „нема начин да се разубави пораката“ за актуелната економска клима и какво влијание ќе има ова на Twitter, компанија која зависи од рекламирање.
Неколку дена откако Маск го финализираше договорот со Twitter, вработените забележаа дека „деновите за одмор“ на компанијата, спроведени од со-основачот на Твитер, Џек Дорси, се отстранети од нивните календари, изјавија извори за Insider.
Додека Дорси го охрабруваше персоналот да избегне исцрпеност, другите компании на Маск како SpaceX и Tesla се познати по тоа што работат прекувремени часови.