Австралиски научници утврдиле дека антарктичките ракчиња, кои се главна храна за морските цицачи, микропластиката во својот дигестивен тракт ја претвораат во нанопластика, што претставува досега неоткриена закана по животната средина.
Резултатите од истражувањето кое го спроведе тим на научници од Универзитетот Грифит, предводени од Аманда Досон, објавени се во магазинот „Nature comunications“
Во ова истражувањето, за прв пат е откриена способноста на раковите физички да предизвикаат промена во микропластиката која ја голтаат.
Микропластика е всушност паричиња пластика помала од пет милиметри, која е штетна за морскиот свет.
Антарктичките ракчиња се важни за околината бидејќи претставуваат храна за многу морски цицачи.
Научниците предупредуваат дека микропластиката во океаните претставува голем ризик за големите животни, како китови, морски кучиња.
Истражувањето покажало дека ракчињата можат микрочестичките полиетилен да ги претворат во наночестички.
Професорот Бенгстон Неш од универзитетот Грифит, вели дека ова истражување открива „досега неоткриена динамика во заканата која ја претставува загадувањето со пластика“.
Голем број на истражувања во областа на екологијата на морињата, ја покажуваат егзистенцијалната закана која ја претставуваат милиони тони пластичен отпад, кои секоја година завршуваат во океаните.
Организацијата на Обединетите нации за океани, тоа го карактеризираше како „планетарна криза“, во период кога се проценува дека производството на пластика ќе продолжи глобално да расте.
