Фондот за јавни инвестиции (PIF) од Саудиска Арабија ќе го преземе фудбалскиот клуб Интер, пренесуваат американските финансиски медиуми.
Арапите за дел од акциите на „Нераѕурите“ ќе платат дури милијарда долари. Ова нема да биде прва фудбалска инвестиција на овој фонд, бидејќи тој го купи англискиот клуб Њукасл во октомври годинава за 300 милиони евра.
Интер има огромни финансиски проблеми, поточно кинеската компанија Sunning која од 2016 година контролира 70% од менаџерските права на миланскиот клуб.
Во претходната сезона 2020/21, во која беше освоено Скудетото, беше остварена загуба од дури 320 милиони, а моментално клубот секој месец бележи загуба од 15 милиони долари.
Но, тоа не се одрази премногу на резултатите, бидејќи Интер е лидер во Серија А, а пласманот во осминафиналето од Лигата на шампионите е остварен.
Со промената на сопственоста, Интер ќе стане најбогатиот клуб во светот пред Њукасл, а Саудиска Арабија ќе стане поважна во светот на фудбалот пред Катар, чие кралско семејство ги купи ПСЖ, како и од Обединетите Арапски Емирати, чиј шеик е сопственик на Манчестер Сити.
За богатите сопственици од Блискиот Исток, бизнисот во светот на фудбалот стана прашање на престиж, за да бидат културно поврзани со Европејците, барем на некој начин. Разни деловни советници ги советуваат да инвестираат во фудбалот, за луѓето од елитните европски кругови да ги препознаат како сопственици на престижни клубови, а не некои проблематични ликови, како сопственикот на Њукасл и принцот на Саудиска Арабија Мохамед бин Салман, кого го обвинуваат на бројни прекршувања на човековите права и убивање на новинари.
Засега во италијанскиоте медиуми нема ништо за оваа информација од преку Барата. Corriere dello Sport дури и пишува дека Suning излегол од криза, цитурајчи го првиот човек на кинескиот колос, Чан Џиндон, и татко на претседателт ан интер, Стивен Чан, кој вели: „Долговите се надминати, се стабилизиравме благодарение на владата“.
