Новиот сој на коронавирусот е потврден во најмалку 37 држави, пренесе CNN.
Според експертите новиот вид полесно се пренесува, но нема докази дека е посмртоносен или дека предизвикува потежок облик на болеста.
Новиот сој на коронавирусот, покрај Велика Британија, потврден е и во Австралија, Белгија, Бразил, Канада, Чиле, Кина, Данска, Хонг Конг, Финска, Франција, Германија, Исланд, Индија и во Ирска.
Исто така регистриран е и во Израел, Италија, Јамајка, Јапонија, Јордан, Либан, Малта, Луксембург, Холандија, Нов Зеланд и во Норвешка.
Новиот сој е регистриран и во Пакистан, Португалија, Обединети Арапски Емирати, Сингапур, Јужна Кореја, Шпанија, Шведска, Швајцарија, Тајланд, Тајван, Турција, САД и во Виетнам.
