Живот

Новото ремек-дело на Бенкси е за бездомниците

10. декември 2019 - 23:15 | Б.С.Б.

Анонимниот уличен уметник Бенкси од Англија го откри неговиот нов мурал во Бирмингем, а на кој акцентот го поставува на проблемот на бездомниците во текот на зимата и празниците.

Муралот осамна на ѕид на уличка во овој град.

Во видеото објавено на официјалниот Instagram на Бенкси, бездомник по име Рајан пие пијалак пред да си легне на клупата, опкружен со неговите работи.

На ѕидот се насликани ирваси покрај клупата, па целиот приказ изгледа како бездомниот Дедо Мраз во санки полетува кон небото.

„За 20-те минути додека го снимавме Рајан на клупата случајните минувачи му дадоа чај, две чоколади и запалка, без да побара ништо од нив“, стои во тажниот опис на Бенкси.

Коментирај