Обединетите Арапски Емирати планираат да испратат жена во веселената. Нура ал Матруши ќе си го исполни сонот од детството и ќе стане првата астронаутка од ОАЕ. Одбрана е меѓу повеќе од 4.000 кандидати за обука во НАСА.
Нура ал Матруши ќе стане дел од шеесет и петте жени кои досега имале прилика да ја истражуваат вселената. На возраст од 27 години, таа исто така би можела да стане и една од најмладите жени во вселената.
Пред неа, рекордот го собори Русинката Валентина Терешкова, која на самостојна мисија беше испратена во 1963 година, кога имаше 26 години.
Веста на Twitter ја соопшти премиерот и шеик Мухамед бин Рашид ал Мактум. Нура по струка е машински инженер, а избрана е како дел од проектот во кој млади астронаути ќе добијат обука во НАСА за да бидат подготвени за идни проекти на истражувања на вселената. Таа е одбрана меѓу повеќе од 4.000 кандидати, а одбран е и Мухамед ал Мула, кој работи како пилот за полицијата во Дубаи.
Нура и Мухамед ќе минат низ обука во вселенскиот центар Џонсон во Хјустон.
