На веб-страницата на иранскиот врховен лидер, ајатолахот Али Хамнеи, е прикажано анимирано видео на кое се гледа роботизирано возило чија цел за атентат е поранешниот американски претседател Доналд Трамп.
Анимираното видео е направено по повод атентатот извршен на 3 јануари 2020 година врз иранскиот генерал Касем Солејмани, кој беше убиен во напад на американско беспилотно летало во Багдад, Ирак.
На видеото, објавено вчера на веб-страницата на канцеларијата на Хамнеи, се гледа како Трамп е погоден од ирански дрон на теренот за голф во неговиот дом во Мар-а-Лаго, на Флорида.
На видеото е прикажан минатогодишниот пропаганден плакат, на кој исто така се гледа Трамп на терен за голф, повикувајќи на одмазда за убиството на Солејмани.
Претходно овој месец, иранскиот претседател Ебрахим Раиси побара Трамп да биде „прогонет и убиен“.
Генералот Касем Солејмани, кој беше убиен во американски напад во Ирак, беше вториот најмоќен човек во Иран, веднаш по ајатолахот Хамнеи.
Сулејмани се сметаше за креатор на големите ирански амбиции на Блискиот Исток.
