Смртта на Афроамериканецот Џорџ Флојд поттикна низа масовни и често насилни протести низ САД против полициската бруталност. Објавено е ново, вознемирувачко видео од неговото убиство.
Бен Крамп, адвокатот на семејството на Флојд, објави ново видео на Twitter од убиството на Афроамериканецот. На снимката се гледа како едниот од полицајците ги игнорира случајните минувачи кои го молат да го пушти Флојд или барем да му го провери пулсот.
„Зарем ќе дозволите да го убие овој човек“, прашува едниот од минувачите кој сега е сведок во случајот, пишува Daily News.
Вториот сведок вели дека неколкупати ги молел полицајците да му го проверат пулсот на Флојд кои го направиле тоа дури откако пристигнала брзата помош.
Претходно, исто така беше објавено видео од бруталното однесување на полицијата кон Џорџ Флојд на кое се гледа како неколку полицајци се обидуваат да го смират Флојд со ќотек.
„Нема сомнеж дека Џорџ Флојд ќе беше жив денеска ако полицаецот Дерек Шовен не го притискал на вратот, а другите двајца не го притискале на телото“, вели адвокатот Бен Крамп.
Ниту еден од полицајците не се обиде да го спречи Дерек Шовен кој цело време го држеше неговото колено врз вратот на Џорџ Флојд.
*Внимание: Содржината на видеото може да ве вознемири