Во Италија нема критични епидемиолошки подрачја, генерално ситуацијата е добра и како што беше планирано од 3 јуни можат да се отворат сите граници меѓу 20-те италијански региони, заклучи Цивилната заштита.
Италијанскиот министер за здравство Роберто Сперанца изјави дека во некои региони ситуацијата сѐ уште е комплексна, но под контрола, податоците се охрабрувачки, но епидемиолошката ситуација и понатаму ќе се следи.
По отворањето на регионалните граници, остануваат во сила мерките за задолжително носење заштитни маски и физичко растојание од најмалку 1 метар. На влезот во рестораните, компаниите и фабриките останува обврската за мерење на температура, а лицата кај кои ќе биде регистрирана телесна температура над 38, ќе бидат под мониторинг и евентуално во самоизолација.