Речиси една година откако почна да се снима, Netflix ја најави премиерата на новиот филм со романтична тематика.
Њујорчанката Исабела има свој салон и не се плаши да го каже она што го мисли. Принцот Томас има своја држава и треба да стапи во брак поради должност, а не од љубов. Кога Исабела и нејзините стилисти ќе добијат животна шанса да се погрижат за фризурите на кралската венчавка, таа и принцот ќе сфатат дека за да ја имаат контролата врз сопствената судбина потребно е да ги следат своите срца.
Во главната улога се американската актерска Лора Марано како Исабела и канадскиот актер Мена Масуд како принцот Томас.
Режијата е на Рик Џејкобсон, сценариото на Холи Хестер, а продуценти се Лора Марано заедно со нејзината сестра Ванеса и нивната мајка Елен, како и Клои Смит.
Премиерата ќе биде на 20 јануари 2022 на Netflix.
