Ураганот Марија е сѐ поопасен додека им се приближува на Ливард островите на Карибите, јавуваат од ВВС.
Се работи за ураган од прва категорија кој забрзано ќе станува сѐ посилен во наредните 48 часа, а островите ќе ги зафати во текот на денешниот ден, предупредуваат од Американскиот национален центар за урагани.
Марија се движи по истата насока како и ураганот Ирма, кој ги уништи Карибите порано месецов.
Ефектите од ураганот веќе се чувствуваат на Британските Девствени Острови, Ст. Мартин, Ст. Барт, Саби и Ангуили. Некои од овие острови сѐ уште се опоравуваат по ураганот Ирма, кој усмрти 37 луѓе и нанесе милијарди долари штета.
Во моментот ветерот дува со брзина од 137 километри на час, а Марија се движи во правецот север-северозапад. Нивото на морето ќе биде од 1,5 до 2 метри повисоко во однос на нормалната клима. Се очекува и 51 центиметар дожд по метар квадратен на зафатените подрачја.
Другиот ураган, наречен Хозе, сѐ уште е активен на Атлантикот.